تبلیغات
♥سیاسی♥بین المللی ♥فرهنگی ♥دینی ♥اقتصادی ♥علمی ♥ورزشی ♥ - شعر آذری بو داغدان آشماق اوْلماز نارینجی باشماق اوْلماز بایاتی لار ایکو
 
 
پیغام مدیر :
با سلام خدمت شما بازدیدكننده گرامی ، خوش آمدید به سایت من . لطفا برای هرچه بهتر شدن مطالب این وب سایت ، ما را از نظرات و پیشنهادات خود آگاه سازید و به ما را در بهتر شدن كیفیت مطالب یاری کنید.
 
 
ساعت : ساعت 18 و 18 دقیقه و 20 ثانیه
نویسنده : Hossein Ashrafi
بسم الله الرحمن الرحیم



اینگیلیس ایمانسیز

ایتالیا قورانسیز

بیزه اینه وئرمه‌سه

بیز قالاریق تومانسیز

***

قیزیل اینه ساپلانماز

آتارام اوْدا یانماز

دئسم باشیم آغرییـیر

یاد اوغلودور اینانماز


***

دامدان داما دامیمیز

قوْشادیر ائیوانـیمیز

سن اوْردان گل، من بوردان

كؤر اوْلسون دوشمانـیمیز


***

چای قیراغی بیچیلمز

سویو درین گئچیلمز

بیر جاندان ، بیرده یاردان

شیرینلیكدن گئچیلمز


***

گلیردیم یاواش یاواش

آیاغیما گلدی داش

سندن منه یار اوْلماز

گل اوْلاق باجی قارداش


***

سو درین‌دی گئچیلمز

بولانلیقدی ایچیلمز

دئـییرله یاریندان گئچ

یار شیریندی گئچیلمز

***

عزیزیم بولاریمیش

ایچمه‌لی سولاریمیش

عئزراییلین آدی پیس

جان آلان یوْللاریمیش

***

باشیندا گؤموش سانجاق

گئدیردی بیر یار آنجاق

دئدیم بو اوجا بوْی یار

گؤره‌ن منیم اوْلاجاق

***

قیزیل اوزوك دار بارماق

سؤزلرین بال، دیل قایماق

سئوگی‌لرین حاققی‌دیر

كؤنول تاپشیریب آلماق

***

قالادان اندیم آنجاق

باشیمدان ساری سانجاق

نه قیز اوْلدوم، نه گلین!

اوْدلارا یاندیم آنجاق

***

قیزیل اوزوك دار بارماق

اؤیره‌نیرم تار چالماق

منیم نه واختیم ایدی

بوْشانـیب ائوده قالماق


***

آلمالار بوداق بوداق

یاراندیق بیز، قم اوتاق

نئیله‌میشدیم، كؤسموسن؟

نه ائیله‌ییم باریشاق

***

توت آغاجیندا یارپاق

توتو وار بارماق،‌ بارماق

یالاندی یاردان دوْیماق

آغیز سوت، دوْداق قایماق

***

دووار اوستو پیتـیراق

قیزلار گلین اوْتوراق

اوْتورماقدان نه چیخار؟

گلین اوْلاق قورتولاق


***

من یاری گؤردوم بایاق

الینده ساری داراق

قاچدیم توتا بیلمه‌دیم

سیناسان بئله آیاق


***

توت آغاجی پیتـیراق

چادیر چالاق اوْتوراق

بیرین سن دئه، بیرین من

قوْی بو قمدن قورتولاق


***

آبی پاچین، گوی داراق

یاریمی گوردوم بایاق

قاچدیم چاتا بیلمه‌دیم

سینایدی بئله آیاق

سو گلیر میللندیریر

باخچانی گول‌لندیریر

باخچاداكی چیت تومان

دیل سیزی دیل‌لندیریر


***

ماشین گلیر اوْت گلیر

ایچی دوْلو كوْت گلیر

من اوْ كوْتو گئـین‌ده

قایناناما اوْت گلیر

***

سو داغدان ملر گلیر

داشلاری د‌لر گلیر

ائلدن آیری دوشه‌نین

باشینا نه‌لر گلیر؟

***

پنجره‌دن داش گلیر

خومار گؤزدن یاش گلیر

سنی منه وئرسه‌لر

آللاها دا خوْش گلیر


***

تولوغوم ائللردن گلیر

دورنا گؤل‌لردن گلیر

سنی چالخایان قـیزگلین

سسی ائولردن گلیر


***

آغ بیچین‌دن گلیر

نالی قـیچین‌دان گلیر

قوربان اوْلوم سئوگی‌مه

بی‌‌لر ایچیندن گلیر


***

كهر آت نالی نئـیلیر

آغ بوخاق خالی نئـیلیر

یاری گؤیچك اوْلان‌لار

دونـیادا مالی نئـیلیر


***

داغلار آلاهی نئـیلیر؟

بؤركو كولاهی نئـیلیر؟

سن اوْردایان من، بوردا

گؤر‌ك ایلاهی نئـیلیر؟


***

های سالیرام اوْیانمیر

دردی قمه بوْیانمیر

عئشق اوْدونا دوشموشوك

من یانـیرام اوْیانمیر


***

آراز آراز خان آراز

سولطان آراز خان آراز

گؤروم سنی یاناسان

بیر دردیمی قان آراز

***

داغلاردا قارا باخماز

چیچه‌یه، بارا باخماز

سنی گؤرن گؤزلریم

آیری بیر یارا باخماز


***

درد الیندن جان دورماز

یارام چوْخدور قان دورماز

منی بئله یاندیردین

اوْد دا ائله یاندیرماز


***

سبولود یاغیش‌سیز آچماز

آی گون ایلن قاریشماز

فلك آغلادان كیمه

دئـییب گولمك یاراشماز


***

نه‌دن‌دیر گئده‌ر قالماز

آخار سو گئد‌ر قالماز

وفالی‌یا جان قوربان

وفاسیز گئد‌ر قالماز


***

بوردا دورنا كؤچ سالماز

آلما گؤندرسم آلماز

قم یـئمه دلی كؤنلوم

زمانه بئله قالماز

***

بو داغدان آشماق اوْلماز

نارینجی باشماق اوْلماز

بیر قورو سؤز اوستونده

یارلا ساواشماق اوْلماز


***

بو داغدا ایلان اوْلماز

دردیمی بیلن اوْلماز

دردیمی بیلن اوْلسا

چاراسین قـیلان اوْلماز


***

باخچانـین اوستو اوْلماز

اوْجاق‌سیز توستو اوْلماز

دوْستدان دوشمان تاپیلار

دوشمانـین دوْستو اوْلماز


:: مرتبط با: شعر های آذربایجان آذری ,
:: برچسب‌ها: شعر آذری بو داغدان آشماق اوْلماز نارینجی باشماق اوْلماز بایاتی لار , شعر آذری ترکی , انواع شعر اذری , ادبیات شعر ترکی , شاعران آذربایجان , شعر ترکی ,
 



می توانید دیدگاه خود را بنویسید
BHW دوشنبه چهارم اردیبهشت 1396 ساعت 12 و 32 دقیقه و 38 ثانیه
Howdy just wanted to give you a quick heads up. The text in your
content seem to be running off the screen in Chrome. I'm not sure if this is a formatting
issue or something to do with browser compatibility but
I figured I'd post to let you know. The design and style look great though!
Hope you get the issue resolved soon. Kudos
manicure یکشنبه بیستم فروردین 1396 ساعت 05 و 40 دقیقه و 23 ثانیه
That is very attention-grabbing, You're an overly professional blogger.

I have joined your rss feed and look forward to in quest of more of your fantastic post.
Also, I have shared your site in my social networks
BHW دوشنبه چهاردهم فروردین 1396 ساعت 10 و 34 دقیقه و 47 ثانیه
Neat blog! Is your theme custom made or did you download it from
somewhere? A design like yours with a few simple adjustements would really
make my blog jump out. Please let me know where you got your theme.
Appreciate it
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر